Дар ин бора рӯзи 30 январ ба хабарнигорон вазири кишоварзии ҷумҳурӣ Қурбон Ҳакимзода хабар дод.
«Дар ҷаласаи ахири ҳукумат дастур дода шуд, ки то ба эътидол омадани вазъи бозор содироти ин маҳсулот муваққатан манъ карда шавад», - гуфт сардори Вазорати кишоварзӣ ва афзуд, ки ин тадбир ба болоравии нархи ин навъи маҳсулот рабт дорад.
Ба гуфтаи ӯ, дар ҳоли ҳозир дар Тоҷикистон захираи кофии ин сабзавот вуҷуд дорад ва дар сурати дуруст истифода бурдани онҳо то ҳосили нав, ки маъмулан дар авохири моҳи март ва авоили апрел оғоз мешавад, боқӣ хоҳад монд.
Дар соли 2022 аз Тоҷикистон беш аз 190 ҳазор тонна маҳсулоти кишоварзӣ содир шудааст, ки нисбат ба соли 17,6 2021 ҳазор тонна камтар аст. Дар ҳамин ҳол, дар соли 2022 содирот бо ифодаи пулӣ 54,3 миллион долларро ташкил дод, ки нисбат ба ҳамин нишондиҳандаи соли 2021 17,6 миллион доллар зиёд аст. Тибқи маълумоти вазорат, беш аз 40 дарсади содироти маҳсулоти кишоварзӣ сабзавот ва тақрибан 30 дарсади меваҷот мебошад.