Ташкилоти озуқаворӣ ва кишоварзии Созмони Милали Муттаҳид (FAO) дар доираи лоиҳаи аз ҷониби Иттиҳоди Аврупо маблағгузоришуда, бо дастгирии Вазорати кишоварзии Ҷумҳурии Тоҷикистон оид ба ҷорӣ намудани технологияҳои пешқадами парвариши картошка, усулҳои бордоршавӣ ва рушди системаҳои обёрӣ тренингҳо ташкил намуд.
Аъзоёни кооперативҳои хоҷагиҳои деҳқонии ноҳияҳои Шаҳристон ва Нуробод барои ташкили фондҳои картошкаи тухмӣ ва беҳтар намудани амнияти озуқавории аҳолии деҳот дар аввали моҳи май 80 тонна картошкаи тухмии серҳосили Red Scarlett -ро ҳадаф қарор доданд.
Роҳбари ҳайати Иттиҳоди Аврупо, сафир Йосефсон қайд кард, ки «афзоиши ҳосилнокии кишоварзӣ аксар вақт ба технологияҳои муассир вобаста аст. Истифодаи нуриҳо, маводи тухмии хушсифат ва ҷорӣ кардани обёрӣ - ҳамаи ин тадбирҳо барои ба даст овардани ҳосили баланд мусоидат мекунанд. Гузаронидани дониш ва малакаҳои марбут ба истеҳсоли картошка ба кишоварзони хурд иқдоми хеле саривақтӣ буда, боиси баланд шудани сатҳи зиндагии мардуми деҳот мегардад ».